Ndege za dharura kusambaza dawa Yemen..

Shirika la Kimataifa la Msalaba mwekundu limesema linamatumaini ya kupeleka ndege mbili za dharura katika mji mkuu wa Yemen Sanaa.
Shirika hilo la Msalaba mwekundu limesema limepewa ruhusa na Muungano wa jeshi linaloongozwa na Saud Arabia, kutua na ndege zilizobeba wafanyakazi na dawa zitakazosambwazwa nchini humo.
Jeshi hilo la Saudia linaongoza kampeni ya kupambana na waasi wa Houthi.
Kusini mwa Yemen waasi hao wa Houthis wameweza kuongeza nguvu katika mji wa Aden dhidi ya majeshi yaliyotiifu kwa rais wa nchi hiyo Abdrabbuh Mansour Hadi, licha ya mashambulizi ya anga yanayofanywa na majeshi hayo ya muungano.

Read More

Tishio la ugaidi lakatiza ibada Mombasa..

Ibada katika kanisa moja la Kianglikana nchini Kenya ilikatizwa ghafla baada ya tishio la ugaidi siku ya Jumapili.
Waumini walihamishwa kutoka kanisani hilo baada ya gari moja kuingia ndani ya uwanja wa kanisa kimabavu.
Kenya iko katika hali ya tahadhari baada ya mauaji ya watu wasiopungua 150 kaskazini mwa taifa taifa hilo.
Ibada hiyo ya Pasaka iligeuka na kuwa mbio za mguu niponye baada ya waumini kuarifiwa kuhusu gari hilo lisilo na nia njema.
Askofu wa kanisa hilo, Julius Kalu, amesema aliarifiwa kuhusu gari ambalo liliingizwa ndani ya uwanja wa kanisa bila hilo idhini kabla ya kusimamishwa kwenye lango kuu la kanisa lenyewe.
Askofu Kalu amesema waliokuwa ndani ya gari hilo walitoroka
Polisi waliitwa, na baada ya kulikagua gari hilo walilivuta hadi makao makuu ya polisi.
Mkuu wa polisi eneo la Mombasa Robert Kitur amesema hawakupata kitu, lakini wamelizuia gari hilo kwa uchunguzi zaidi.

Read More

Papa Francis awapa pole wa Kenya.

Katika maadhimisho ya ibada ya sikukuu ya Pasaka, baada ya mateso,kifo na ufufuko wa Yesu Kristo,Baba Mtakatifu Francis amewaombea wanafunzi waliouawa nchini Kenya mwishoni mwa wiki iliyopita.
Katika utaratibu wake wa kawaida wa kutoa ujumbe katika sikukuu ya pasaka,akizungumza na umati wa waumini waliofurika katika viwanja vya Basilica ya Mtakatifu Peter mjini Vatican, Papa ametoa mwito wa kusitisha kile alichokiita matukio mengi ya mateso ya wakristo ulimwenguni.
Kiongozi huyo wa kiroho anayeongoza waumini wa madhehebu ya kikatoliki wapatao bilioni moja nukta mbili ,amelaani mgogoro unaondelea Mashariki ya kati na kwingineko, lakini ameweka imani yake katika mazungumzo yanayoendelea juu ya mkataba wa vinu vya nyukilia vya Irani ,wenye mwanga wa matumaini wa kufikiwa makubaliano na kuifanya dunia kuwa mahali salama pa kuishi.
Kabla ya kuanza hotuba yake,Papa alikwenda katika viwanja hivyo vya Basilica la Mtakatifu Petro kuwasalimia waumini waliokuwa wakimsubiri pamoja na kwamba kulikuwa na hali mbaya ya hewa.

Read More

Serikali ya Kenya yamtambua muuaji..

Serikali ya Kenya imemtambua mmoja ya wapiganaji waliohusika katika mauaji ya chuo kikuu cha Garissa kwamba ni mtoto wa afisa wa serikali.
Msemaji wa wizara ya ndani amesema kuwa Abdirahim Abdullahi ni miongoni mwa watu wanne walioshambulia chuo kikuu cha Garissa siku ya alhamisi na kuwaua watu 148.
Mtu huyo sasa ametambulika kama mwana wa kiume wa Chifu wa eneo la Kazkazini mashariki mwa kenya.
Alidaiwa kutoweka na ilihofiwa kwamba amesafiri nchini Somalia.
Wizara ya ndani inasema kuwa wapiganaji wote waliuawa siku ya alhamisi.
Washukiwa wengine watano wamakamatwa kufikia sasa kwa kuhusishwa na mauaji hayo ambayo ni mabaya zaidi kuwahi kutekelezwa na kundi la wapiganaji wa Alshabaab.

Read More

Garissa:Redio 2 zafungwa Somalia.

Mamlaka nchini Somalia imevifunga vituo viwili vya redio nchini humo baada ya kutangaza habari za wapiganaji wa Al-shabaab kuhusu shambulio la chuo kikuu nchini Kenya.
Kituo cha redio cha Sky FM na kile cha Shebelle vilifungwa huku mtangazaji na mkurugenzi wakikamatwa.
Vikosi vya usalama nchini Somali vimekuwa vikiwakamata wanahabari ambao hufanya mahojiano na wapiganaji wa Al-shabaab ama kutangaza habari zao.

Read More

Mazungumzo ya nyuklia ya Iran yaafikiwa..

Makubaliano kuhusu muundo wa baadaye wa mpango wa nyuklia wa Iran, yamefikiwa baada ya mazungumzo na mataifa sita makubwa yaliyokuwa yakifanyika nchini Uswisi.

Kwa mujibu wa mkataba huo, Iran itapunguza uwezo wake wa kurutubisha madini ya urani huku ikiahidiwa kuondolewa vikwazo kwa awamu.
Rais Barack Obama amesema ni "uelewano wa kihistoria" uliofikiwa na Iran.
Mataifa makubwa ya dunia na Iran sasa yanalenga kuandika mkataba kabambe ifikapo Juni 30.
Muundo wa mkataba ulitangazwa na Umoja wa Ulaya na Iran baada ya siku nane za majadiliano mjini Lausanne.
Mazungumzo kati ya mataifa makubwa matano jumlisha moja yaani-Marekani, Uingereza, Ufaransa, China na Urusi pamoja na Ujerumani- na Iran katika mkutano uliofanyika mjini Lausanne, uliendelea na kupitiliza muda uliopangwa wa kufikia tarehe 31 Machi.
Mwandishi wa BBC kutoka mjini Lausanne, Barbara Plett Usher, anasema baada ya kupitiliza muda uliopangwa na siku mbili za majadiliano ya kina kati ya Iran na mataifa sita makubwa duniani wameelezea muundo wao uliofikiwa katika mkutano huo kama mafanikio makubwa.

Mwanadiplomasia wa ngazi ya juu wa Umoja wa Ulaya,Federica Mogherini, alisoma taarifa ya pamoja ikielezea vipengele vikuu, ambavyo ni kupunguza vinu vya uchakataji wa fito za nyuklia, kubadili zana za kutengenezea nyuklia na ahadi ya kuondolewa vikwazo vya kimataifa dhidi ya Iran.
Makubaliano yaliyofikiwa katika mkutano huo si ya maandishi, sio rasmi, bali yanajenga msingi wa kufanyika mazungumzo ya kina.
Lakini waanzilishi wa mazungumzo haya wanasherehekea mafanikio makubwa yaliyofikiwa, ambayo wanasema ni ya kihistoria.
Iran imekuwa ikikana madai ya mataifa ya magharibi kuwa mpango wake wa nyuklia unalenga kutengeneza silaha za nyuklia. Iran imeingia katika mazungumzo haya ili kuona inaondolewa vikwazo.

Katika mahojiano na BBC, waziri wa mambo ya nje wa Marekani John Kerry amesema ilifikia hatua alishawishika kujitoa katika mazungumzo hayo lakini anasema cha msingi wameweza kupenya vikwazo vilivyojitokeza katika awali.
Rasimu ya mazungumzo hayo pia imepongezwa na Katibu Mkuu wa Umoja wa Mataifa Ban Ki-moon, ambaye amesema anaamini "yatachangia hali ya amani na utulivu katika eneo hilo".
Mkuu wa sera ya nje wa Umoja wa Ulaya Federica Mogherini ametangaza mkataba huo katika mkutano na waandishi wa habari akiwa pamoja na waziri wa mambo ya nje wa Iran Javad Zarif, akisema hiyo ni "hatua ya maamuzi" iliyofikiwa.

Urusi imepongeza mkataba huo kuwa ni hatua ya kutambua mpango wa nyuklia wa Iran usio na masharti na ambao ni salama.
Lakini kiongozi wa Israel, Benjamin Netanyahu amemwaambia Rais Obama kwa njia ya simu kwamba mkataba huo ambao umejikita katika muundo uliokubaliwa, unatishia uwepo wa Israel.
Kwa upande wake Rais Obama amemwambia Bwana Netanyahu kwamba mkataba huo kwa namna yoyote ile unaondoa wasiwasi kwao kuwa Iran ni kinara wa kufadhili ugaidi na vitisho dhidi ya Israel.
Mkataba huo pia umekosolewa na wajumbe wa baraza la Congress la Marekani ambao wanataka wabunge wa Marekani kuwa na haki ya kupitia kila makubalino ya mwisho yanayofikiwa katika mkataba huo.
Nao wananchi wa Iran wanaoishi nchini Uswisi wameelezea kufurahishwa na mpango huo.

Read More

Vigogo wa Siasa na mdahalo,Uingereza...

Viongozi wa vyama vitano vya siasa nchini Uingereza wameshiriki katika mdahalo ulioonyeshwa moja kwa moja katika televishen ambao ulilenga maeneo mhimu katika harakati za kuijenga Uingereza.
Kila kiongozi katika mdahalo huo viongozi hao walipewa muda wa kujibu maswali kuhusu masuala ya kiuchumi,uhamiaji,afya na mtazamo ujao kuhusu Uingereza. Waziri mkuu wa Uingereza David Cameron amekitetea chama chake cha Conservative kwamba kimekuwa na mipango mizuri ya kiuchumi na kukubali mapendeekezo yaliyotolewa na chama cha upinzani cha Labour.
Mwandishi wa BBC kuwa katyika mdahalo huo hakukuwa na mshindi,kwani hayo siyo yalikuwa malengo ya mkusanyiko huo,bali fursa ya kubainisha mamabo ya mhimu na kwamba hata baadhi ya vyama vidogo vingeweza kushiriki.

Read More

Kanisa Katoliki linautazamaje ushoga

Kadinali Raymond Burke mwenye asili ya Marekani ameenguliwa na Papa Francis katika wadhifa wake wa mwenyekiti wa bodi katika kanisa katoliki,ametoa onyo kwamba kuna viashiria vya kanisa hilo kuupigia chapuo ushoga, kauli hii Burke aliiotoa wakati alipokuwa akihojiwa na tovuti moja ya Italy ya La Nuova Bussola Quotidiana mara baada tu ya kuenguliwa kwenye wadhifa wake.
Mwandishi wa BBC anasema hii ni ishara nyingine ya jinsi viongozi wa dini waandamizi wanavyochukulia hatua juu ya masuala kama vile ushoga na talaka , wakati wengine wanatakiwa kuyachukulia mambo kwa utuvu na uangalifu wa hali ya juu.

Read More

Kura ya maoni yaahirishwa Tanzania..

Tume ya Uchaguzi wa taifa la Tanzania, kukabiliwa na na msisitizo wa muda mrefu wa wananchi juu ya kuahirishwa kwa tarehe ya kufanyika kura ya maoni kuhusu katiba inayopendekzwa na tume hiyo kutoa msimamo kwamba tarehe haitobadilika, leo hii tume hiyo imetoa kauli tofauti. Mwenyekiti wa tume ya uchaguzi , Jaji Mstaafu Damian Lubuva ametangaza kuwa zoezi hilo la kura ya maoni limeahirishwa, jambo ambalo limezua hisia tofauti nchini humo.

Read More

Askari 15 wa Misri wauawa barabarani..

Maofisa wa serikali nchini Misri wameeleza kuwa mtu mmoja aliyekuwa na silaha amewaua askari kumi na watano katika shambulio la kizuizi cha barabarani katika eneo la kaskazini la pwani ya mlima Sinai .
Jeshi la Misri limeingia katika vita ya kulinda maeneo yaliyoko Kaskazini yam lima Sinai kwa muda mrefu ili kuwabaini askari washambuliaji kinyume na majeshi ya serikali .
Siku za hivi makundi ya kigaidi yenye nguvu na msimamo mkali yamekula kiapo cha utii kwa kundi la wanamgambo wa dola ya Kiislam IS.
katika eneo la kaskazini la pwani ya mlima Sinai .
Jeshi la Misri limeingia katika vita ya kulinda maeneo yaliyoko Kaskazini yam lima Sinai kwa muda mrefu ili kuwabaini askari washambuliaji kinyume na majeshi ya serikali .
Siku za hivi makundi ya kigaidi yenye nguvu na msimamo mkali yamekula kiapo cha utii kwa kundi la wanamgambo wa dola ya Kiislam IS.

Read More

Kasi ya kujiunga na ugaidi yaongezeka...

Zaidi ya wapiganaji wa kigeni elfu ishirini na watano kutoka mataifa mia moja walisafiri kwa nia na malengo ya kujiunga na makundi ya kijeshi kama al-Qaeda na Islamic State (IS), taarifa ya umoja wa mataifa imeeleza hayo.
Taarifa hiyo imeeleza pia kwamba wapiganaji wageni ulimwenguni idadi yao imeongezeka mpaka kufikia asilimia sabini na moja katikati ya mwaka 2014 na march mwaka huu.
Nchi za Syria na Iraq ndizo nchi zinazolengwa kwa ukaribu zaidi na ndicho kitovu cha vijana wanaomaliza mazomo yao na kugeuka kuwa wenye msimamo mkali wa kidini.
Na pia taarifa hiyo imebainisha kuwa endapo kundi la IS lingeshindwa nchini Syria na Iraq,sasa wapiganaji hao kutoka nchi za kigeni wamesambaa ulimwenguni .
Nalo baraza la usalama la umoja wa mataifa liliwaomba wataalamu wa masula ya kijeshi miezi sita iliyopita kuchunguza vitisho vya askari wa kigeni wanaojiunga na kundi la Is na makundi mengine ya kigaidi.
Katika ripoti iliyowasilishwa kwenye baraza hilo mwishoni mwa mwezi uliopita ,na wataalamu wakaeleza kuwa ongezeko la wapiganaji wa nchi za kigeni zinazidi kuongezeka kulinganisha na muongo mmoja uliopita .
Maelfu ya wapiganaji wa kigeni ambao hufanya safari hadi nchini Syria ,Falme za Kiarabu na Iraq huko hufanya makao na kufanya kazi na kumalizia masomo ya elimu ya juu kwa wenye msimamo mkali kamalivyowahi kutokea kwatika nchi ya Afghanistan miaka ya 1990 .
Syria na Iraq inasemekana ina makaazi elfu ishirini na mbili kwa wapiganaji hao wa kigeni ,pia nchini Afghanistan makaazi elfu sita na mia tano na maelfu ya makaazi nchini Yemen, Libya, Pakistan na Somalia.

Read More

Mtu mwenye umri mkubwa duniani afariki...

Mtu aliyekuwa na umri mkubwa duniani kutoka nchini Japan amefariki wiki kadhaa baada ya kusherehekea miaka 117 tangu azaliwe.
Misao Okawa alifariki katika kituo cha uangalizi mjini Osaka,mji ambao alizaliwa mwaka wa 1898.
Okawa amewaacha vitukuu sita na wajukuu wanne .
Kufuatia kifo chake kuna madai kwamba kumesalia watu wanne pekee wanaodaiwa kuwa hai ambao walizaliwa karne ya kumi na tisa.
Wote ni Wanaume huku mwanamume wa mwisho akifariki mwaka 2013.

Read More

Meli ya uvuvi ya Urusi yazama..

Boti ya uvuvi ya Urusi imezama katika visiwa vya Kamchatka , ikiwa na mabaharia wapatao hamsini na wanne ambao inadhaniwa kuwa wamekufa maji wote.
Watu wapatao sitini na watatu wameopolewa ambao nao walikuwa ndani ya boti hiyo ya uvuvi,wengine wamekumbwa na homa ya mapafu na wengine kumi na watano wameripotiwa kuwa hawaonekani.
Taarifa za awali zinasema kwamba kabla meli hiyo ya uvuvi haijazama ilikuwa na watu wapatao miamoja na thelathini na mbili ,uchambuzi unaeleza kuwa sabini na nane kati yao ni raia wa Urusi na arobaini na wawili ni raia wa Myanmar. Wengi wao walikuwa wanatokea maeneo ya Vanuatu, Latvia na Ukraine na nahodha ni miongoni mwa waliopoteza maisha.
Kikosi cha uopoaji kinaendelea na kazi ya oukozi ambapo mpaka sasa wanatafuta abiria hao waliopotea wapatao kumi na watano .
Nahodha wa kikosi cha uongozi ambaye ni miongoni mwa mabaharia wa kikosi cha uopoaji ishirini na sita anasema kwamba pengine chanzo cha ajali hiyo ni hali mbaya ya hewa, na wakati meli hiyo ilipokuwa ikizama ,kulikuwa na barafu,upepo mkali, mawimbi yenye urefu wa futi kumi. Na maji ya bahari yalikuwa karibu yanaganda kwa nyuzi joto 32 .
Inaelezwa kwamba manusura wa ajali hiyo walikuwa wanauwezo wa kudumu katika maji hayo kwa dakika ishirini tu,ingawa mpaka sasa chanzo cha ajali hiyo ni cha kukisia tu.
Maji yalifurika kwenye chumba cha ingini ya meli hiyo na kuanza kuzama ndani ya dakika kumi na tano kimesema kitengo cha dharula cha Urusi,na kusema kwamba pengine meli hiyo iligonga eneo la karibu na chumba cha ingini na kuwa sababu ya ajali hiyo.
Sergei Khabarov amesmea kwamba kiwango cha abiria na mizingo katika meli za wavuvi lazima kizingatiwe na kisizidi uwezo wa vyombo hivyo.

Read More

Buhari aahidi kutokemeza Boko Haram..

Rais mteule wa Nigeria, Muhammadu Buhari, amezitaja vurugu zinazosababishwa na kundi la wanamgambo wa Kiislamu wa Boko Haram kuwa ni tatizo kubwa linalokabili nchi.
Katika mahojiano maalumu na BBC, kiongozi huyo mstaafu wa jeshi amesema anatarajia kulishinda kundi hilo baada ya dhamira mpya kutoka jeshini na msaada wa nchi jirani. "Kwa ushirikiano na majirani zetu Cameroon, Chad, Niger na jumuia ya kimataifa na dhamira ambayo tutapata kutoka katika jeshi, Nafikiri itachukua muda mfupi zaidi kukabiliana nao."
Jenerali Buhari amesema tayari ameainisha msingi wa tatizo linalokabili nchi ya Nigeria, lakini amewataka raia wa nchi hiyo kuwa wavumilivu.
"Tumebaini matatizo makubwa matatu. Ambayo ni kukosekana kwa usalama nchini, tatizo ambalo kila mmoja analifahamu na lingine ni ukosefu wa ajira, hii ina maana uharibifu wa uchumi ikiwa ni kutokana na vitendo vya rushwa na rushwa yenyewe. Matatizo haya matatu makuu, Wanigeria wote wanafahamu na tunaomba ushirikiano wa wananchi wa Nigeria, wasitarajie miujiza kutokea katika kuyapatia ufumbuzi matatizo haya katika kipindi cha miezi michache baada ya kutwaa madaraka kwa sababu uharibifu umechukua miaka mingi, miaka kumi na sita ya utawala wa chama tawala cha nchi hii." Anasema rais huyo mteule wa Nigeria.

Read More

Amri wafugaji kuwapiga picha ngombe wao...

Polisi nchini India wamewalazimu wafugaji wa ngombe kuwapiga picha ilikufanikisha sheria mpya inayoharamisha uuzaji wa nyama ya ngombe.
Maafisa katika mji wa Malegaon, ulioko katika jimbo la Magharibi la Maharashtra wanasema kuwa pich hizo zitasaidia katika kutekelezwa kwa sheria hiyo mpya.
Sheria hiyo imeharamisha kuchinja na kuuza nyama ya ng'ombe kwa mjibu wa jarida la the times.

Sheria hiyo ya jimbo la Maharashtra ilianza kutekelezwa Machi tarehe mbili 2 baada ya mjadala uliodumu zaidi ya miaka 19.
" hizi picha tutazihifadhi kisha tutazitumia tu kukiwa na haja ya kutoa ushahidi'' alisema afisa mkuu wa jimbo hilo Mahesh Sawai.
"endapo mtu atamshaki mwenzake kwa kukiuka sheria hizi picha zitatumika kama itibathi ya umiliki wa ng'ombe''.

Polisi walitangaza sheria hiyo mmpya baada ya watu watatu kushtakiwa kwa kuvunja sheria hiyo mpya.
Hiyo ndiyo iliyokuwa kesi ya kwanza chini ya sheria hiyo mpya.
Jimbo hilo la Maharashtra liliharamisha uchinjaji wa ngombe mwaka wa 1976, lakini sheria hii mpya sasa inaharamisha hata kuchinja mafahali ambao kwa kawaida hufugwa kwa ajili ya nyama.

Hata hivyo nyama ya nyati ni halali katika jimbo hilo.
Adhabu ya hukumu ya miaka mitano gerezani inawasubiri wale wote watakaopatikana na hatia.
Haijulikali makataa hayo ya kutochinja ngombe itaathiri vipi idadi ya mifugo ambayo ilisemekana kuwa takriban milioni 21 ukilinganishwa na hesabu ya jumla ya watu milioni 112 kulingana sensa ya mwaka 2012.

Read More

Awekwa moyo wa mtu aliyekufa Uingereza...

Madaktari wa upasuaji huko Cambridgeshire wamefanya upandikizaji wa kwanza wa moyo barani Ulaya kwa kutumia moyo mwengine uliosimama kufanya kazi.
Myoyo hiyo hupatikana kutoka kwa watu waliokufa lakini ambao myoyo yao bado inafanya kazi.
Katika upasuaji huo,moyo huo ulitoka kwa mtu ambaye mapafu yake na moyo wake ulikuwa haufanyi kazi.
Hospitali ya Papworth inasema kuwa mbinu hiyo huenda ikaongeza idadi ya myoyo inayopatikana kwa asilimia 25.
Mgonjwa aliyewekwa moyo mpya kwa jina Huseyin Ulucan, mwenye umri wa miaka 60, kutoka London,alikabiliwa na shinikizo la moyo mwaka 2008.
Alisema:kabla ya upasuaji,sikuweza kutembea na nilichoka sana,kwa hakika siku na maisha mazuri.

Lakini anasema kuwa amefurahishwa na kuimarika kwa afya yake tangu upandikizaji huo.
Kwa sasa najisikia mwenye nguvu kila siku,na nimetembea hadi haospitalini asubuhi hii bila tatizo.
Kumekuwa na visa 171 vya upandikizaji wa myoyo katika kipindi cha miaka 12 iliopita nchini Uingereza.
Lakini mahitaji yanashinda myoyo iliopo ,hivyobasi wagonjwa wengine hungoja kwa miaka mitatu kupata kiungo kinachowafaa.
Wengi ya wagonjwa hao hufariki kabla ya kiungo kupatikana.

Read More

Sura ya mke yamtisha mumewe harusini...

Duniani kuna mambo, kuna vibweka na vibwakuro pia , twende sawa,Kang Hu, mwenye umri wa miaka 33,aliwashtua wageni waalikwa siku ya harusi yake, pale alipoamua kuwaomba radhi wakiwemo familia yake na bi harusi Na Sung,mwenye umri wa miaka 30,kwa kumwambia dhahiri shahiri kuwa ana sura mbaya na hafai kuolewa.

Bwana harusi harusi huyo alikanganyikiwa mara baada tu ya kumwona bi harusi wake kwa mara ya kwanza na kujaribu kujitosa majini.
Mara akaamua kutoka eneo la tukio, kwenye ukumbi wa sherehe katika mji wa Shiyan mji ulioko nchini China jimbo la Hubei na baadaye alioneka akitembea kando ya mto akiwa na mawazo meeengi,mto ambao alijirusha ndaniye mara moja.

Pal Chan Wang alisema kwamba : familia ya bi harusi ilivurugikiwa,familia ikashikwa na ghadhabu,na familia ya mwanaume yao ikafura na marafiki zake walifadhaika mnoo kwa matamshi yake .
Kang alikuwa na uchaguzi wa bi harusi amtakaye na alikuwa akilazimishwa kumuoa bi harusi huyo, ndo alipoamua kumfanyia kituko hicho.
Wapiti njia ndio waliomgundua Kang mtoni ndipo walipowaita polisi na kuharakisha kushuka mtoni kumuopoa.

Qan Tsui, mwenye umri wa miaka25, yeye ndiye aliyepiga picha hizi anaeleza kwamba bwana harusi huyo alipojitosa mtoni alikuwa na nguo zake zote na alikuwa akielea uso ukiwa unaelekea chini kwenye maji,akiwa hajiwezi na mara nikasema anaweza kufa asipopata msaada wa haraka.
polisi walipowasili eneo la tukio,mmoja wao alijitosa mtoni na kumdaka mara moja,na mwingine aliwarushia Kamba ili wamvutie nje ya maji ya mto huo baadaye wamtoe maji yaliyoko kifuani.

Read More

Chanjo ya Ebola kujaribiwa Guinea..

Shirika la afya duniani WHO pamoja na wadau wake, mwishoni mwa wiki hii wanatarajia kuanza majaribio ya ufanisi wa chanjo dhidi ya Ebola nchini Guinea.
Chanjo hiyo aina ya VSV-EBOV imetengenezwa na wakala wa afya ya umma nchini Canada ambapo imeelezwa chanjo nyingine ya pili itaanzishiwa majaribio kadri shehena ya kutosha itakapo patikana.
Mkurugenzi Mkuu wa WHO Dkt.Margaret Chan amesema majaribio yatafanyika kwenye maeneo ya Basse Guinée ambayo ndio yameathirika zaidi na Ebola kwa sasa nchini Guinea na utoaji wake utaanzia kwa wagonjwa wapya na wale wote ambao wamekuwa karibu nao.
Lengo la jaribio la sasa ni kutathmini iwapo chanjo hiyo itawapatia kinga dhidi ya Ebola watu waliokuwa na makaribiano na mgonjwa na pili iwapo utoaji wa chanjo utajenga kinga kwa wale waliopatiwa na hivyo kuzuia maambukizi zaidi.
WHO imesema imejitahidi kwa dhati kuhamasisha nchi zilizoathirika na ugonjwa huo pamoja na wadau ili kuendeleza mbinu za kinga na iwapo chanjo hiyo itafaa itakuwa ni hatua ya kwanza ya kinga dhidi ya Ebola.
Wadau wanaoshirikiana na WHO kwenye majaribio hayo ya chanjo ni pamoja na wizara ya afya ya Guinea, madaktari wasio na mipaka, MSF na taasisi ya afya ya umma, Norway.

Read More

Mkanyagano watokea katika kivuko Kenya..

Ripoti zinasema kuwa mkanyagano umetokea katika kivukio cha Ferry katika eneo la Likoni huko Mombasa Kenya na kuwajeruhi watu kadhaa
Tukio hilo limejiri baada ya ferry tatu zinazoendesha oparesheni zake katika kivuko hicho kukabiliwa na matatizo ya kiufundi.
Kulingana na ripoti hizo Ferry zilizosalia zimeshindwa kuhudumia idadi kubwa ya watu wanaotumia kivuko hicho pamoja na ile ya magari.
Hatua hiyo imesababisha msongamano mkubwa wa watu katika kivuko hicho.

Read More

Dereva Mpalestina awagonga Waisraeli....

Polisi nchini Israeli wanasema kuwa dereva ambaye anaaminiwa kuwa Mpalestina amevurumisha gari katikati ya kundi la watu kwenye mtaa mmoja mjini Jerusalem.
Wanasema kuwa mwamamume huyo aliwajeruhi takriban wapita njia wanne na kisha akajaribu kumchoma kisu mtu mwingine kabla ya kupigwa risasi na kujeruhiwa na maafisa wa usalama.
Msemaji wa polisi amekitaja kitendo hicho kuwa shambulizi la kigaidi.
Kulishuhudiwa visa vingine kama hivyo mwaka uliopita vilivyoendeshwa na madereva wa Kipalestina ambapo watu watatu waliuwa.

Read More