Bingwa wa muziki wa Blues aaga dunia.

B.B. King - ambaye anatambuliwa kuwa bingwa wa muziki aina ya Blues ulimwenguni amefariki akiwa na miaka 89.
Jinsi anavyocheza gita lake kuliathiri pakubwa kizazi cha wacheza gitaa.
Alizaliwa Mississippi huko Marekani kulikokuwa na pamba na akafanya kazi katika mashamba akiwa bado mdogo.

Kisha aliajiriwa kama mwimbaji katika miaka ya arobaini kabla ya kuwa 'deejay' kabla ya kuanza muziki wake mwenyewe.
Alicheza katika hafla zilizovutia watu wengi akitumbuiza watu vizuri licha ya kuwa na umri wa miaka 80
Alisitisha ziara yake ya Marekani na Ulaya ili kuwatembelea wanawe 15.

Read More

Mgahawa wauza nyama ya binaadamu Nigeria.

Mgahawa mmoja nchini Nigeria katika jimbo la Anambra umefungwa kufuatia viongozi wenye mamlaka nchini humo kung’amua kwamba moja ya vyakula vinavyouzwa mgahawani humo ni nyama ya binaadamu.
Polisi walipoitwa mgahawani hapo waliona vichwa viwili vya binaadamu vipya vyenye kuchuruza damu wakati walipokuwa wakiwakamata watu kumi na mmoja kutoka mgahawani hapo akiwemo mmiliki wa mgahawa huo,pia walikamatwa wanawake sita na wanaume wane, baada ya wasamaria wema kutoa taarifa hizo za kustaajabisha!
Damu zilizokuwa zikivuja kwenye vichwa hivyo vya wanaadamu,vilikuwa vimefungwa kwenye mifuko ya Rambo.
Polisi pia wamekamata bunduki aina ya AK-47 na silaha nyinginezo,seti ya magurunedi na simu kadhaa za kila aina wakati walipokuwa wakiwakamata watu hao.
Kila wakati nilipokuwa nikienda sokoni,na sababu kubwa hasa hoteli hiyo iko karibu na sokoni,nimekuwa nikishuhudia harakati za ajabu za watu kuingia na kutoka hotelini humo,watu wachafu na uchafu wao mwilini ni ule usioeleweka,hivyo sikushangazwa polisi walipogundua biashara hiyo haramu mapema wiki hii, anasema mkaazi wa eneo hilo.
Mchungaji mmoja akiwa katika mshtuko mkubwa baada ya kugundua kuwa alikuwa amekula nyama ya binaadamu,aliamua kwenda polisi kupeleka malalamiko yake .
Aliwaambia kuwa alikwenda kwenye mgahawa wa hoteli hiyo asubuhi na mapema,baada ya kupata staftahi,akaambiwa kwamba pande la nyama alilokula gharama yake ni naira 700 sawa na paundi mbili unusu alistaajabu mno.sikufahamu kuwa nimeuziwa nyama ya binaadamu nikaila na kwamba ilikuwa ghali sana.
Taarifa za watu nchini Nigeria kula nyama za watu zimekuwa ni uvumi wa muda mreefu, lakini hii ni mara ya kwanza mgahawa kuamua kuuza nyama za binaadamu tu.

Read More

9 wauawa katika shambulio Marekani

Polisi nchini Marekani wamesema kuwa watu tisa wameuawa katika shambulio lililotekelezwa na watu wenye silaha waliokuwa kwenye pikipiki katika mkahawa mmoja katika mji wa Waco.
Hata hivyo watu wengine 18 walipelekwa hospitali kupatiwa matibabu kutokana shambulio hilo. Maofisa katika mji huo wanasema kuwa walibaini mkusanyiko kati ya watu watano walioonekana kupanga jambo lisilo la kawaida. Watu waliokuwa katika mkahawa huo walijificha katika chumba cha majokofu katika harakati za kujiokoa kabla ya kusaidiwa na Polisi kutoka katika eneo hilo.

Read More

Utafiti:Mazoezi yatakuongezea miaka 5 zaidi.

Utafiti umeonesha kuwa watu wanaofanya mazoezi ya kila mara wanaishi kwa miaka mitano zaidi ya wale ambao hawafanyi mazoezi yeyote.
Aidha utafiti huo uliowajumuisha watu waliokomaa umebaini kuwa watu walio na umri mkubwa wanaishi maisha marefu zaidi pindi wanaoacha kuvuta sigara.
Utafiti huo wa miaka 11 uliwajumuisha watu wazima 5,700 nchini Norway ulidhibitisha kuwa watu waliofanya mazoezi kwa takriban saa tatu kwa juma wanaishi zaidi ya miaka mitano zaidi ya wale ambao hawakufanya mazoezi yeyote.
Wanasayansi hao wameanzisha kampeini za uhamisisho wa faida za kufanya mazoezi hasa kwa watu wazima.

Wakiandika katika jarida moja la utabibu wa michezo linalochapishwa nchini Uingereza, wanasayansi hao wanasema kuwa maisha ya
kuketi bila ya kuwa shughuli yeyote inayochemsha damu mwilini inachangia pakubwa kuzorota kwa uwezo wa mwili kuhimili dhoruba ya maambukizo tofauti tofauti haswa mtu anapozeeka.
Chuo kikuu cha Oslo kilithibitisha kufuatia utafiti huo kuwa hata mtu akifanya mazoezi mepesi ni kheri kuliko kukosa mazoezi kabisa.
Takwimu za utafiti zinaonyesha kuwa japo watu wenye umri zaidi ya miaka 65 wakishiriki mazoezi yeyote kwa dakika 150, hiyo itatosha kumweka katika hali nzuri ya kiafya.

Aidha kwa wale wenye umri kati ya miaka 68 hadi 77 wanahitaji kufanya mazoezi kwa zaidi ya saa moja kwa juma ilikupata manufaa yake.
Kwa ujumla asilimia 40% ya washirika waliofanya mazoezi kwa takriban nusu saa kila siku walikuwa bado hai katika utafiti huo uliodumu kwa miaka 11.
Ripoti hiyo iliongezea kusema kuwa hata wale wazee waliokuwa na miaka 73 walipoanza mazoezi asilimia kubwa ilikuwa hai zaidi ya wenzao ambao hawakufanya mazoezi yeyote.

Read More

Indonesia yaombwa ikome kupima Ubikra..

Indonesia imeshauriwa ikomeshe sheria inayowalazimu wanawake kuthibitisha ni mabikira kabla ya kujiunga na jeshi la taifa.
Wanaharakati wa kutetea haki za binadamu wameihimiza serikali ya Indonesia kukomesha kipengee kimoja cha kubainisha iwapo mwanamke ni bikira au la kabla ya kujiunga na jeshi la taifa.
Wanaharakati hao wanasema kuwa ni tukio linalodhalilisha wanawake hao kwa misingi ya kijinsia.
Shirika la afya duniani WHO limepinga sheria hiyo likisema halina misingi yeyote kiafya.
Aidha shirika la Human Rights Watch (HRW) inaongezea kusema kwamba mtu kuwa au kutokuwa bikira hakuathiri utendakazi na uwajibikaji wa mwanamke kazini.
Lakini je nini kinachoendelea Indonesia?
Wanaharakati hao wanasema kuwa wengi wa makurutu ambao huwa ni wasichana waliohitimu shule ya upili wenye umri kati ya miaka 18-20
hulazimika kukaguliwa sehemu zao za uzazi ilikuthibitisha wangali ''wasafi na hivyo wazalendo''
Kulingana na shirika la kutetea haki za kibinadamu, sasa hata wachumba wa wanajeshi wao hawasazwi.

''wachumba wa wanamaji, wanajeshi wa angani na wanajeshi wa ardhini sasa wanalazimika kupimwa ubikira kabla ya kuruhusiwa kuolewa na maafisa''asema mwanaharakati mmoja.
Mwezi Februari maafisa wa jimbo la Jember ,Java Mashariki waliharamisha kujaribiwa kwa wasichana kabla ya kuhitimu shule za upili.
Je kipimo hicho kinafanywaje ?
Kulingana na mtafiti mmoja Andreas Harsono kipimo hicho kijulikanacho kama "two-finger test", kinatumika na madaktari kubaini iwapo mwanamke ni bikira au la.
Daktari anapaswa kung'amua iwapo mwanamke huyo ameshiriki tendo la ndoa au la.
''Daktari anatumbukiza vidole viwili ndani ya uke na kimoja katika tupu ya nyuma ''alisema mama mmoja mke wa mwanajeshi ambaye pia ni askari.
Bwana Harsono aliwahoji wanawake 11 wengi wao wake wa wanajeshi na wengine maafisa kivyao.
Hadi sasa haijabainika faida ya kipimo hicho ambacho kinalaumiwa kuwa kinawadhalilisha wanawake.
Amiri mkuu wa jeshi la Indonesia Meja Jenerali Fuad Basya,amesema kuwa kipimo hicho ni nguzo ya uzalendo na swala muhimu katika usalama wa taifa.
''Haiwezekani iwapo mtu ni msherati si muaminifu kwa mumewe apewe jukumu la kulinda usalama wa taifa''alisema Jenerali Fuad.
Kama mtu anapania kulinda mipaka ya taifa na pia usalama wa mamilioni ya watu ilihali ameshasaliti nafsi ya mumewe basi mtu kama huyo hapaswi kupewa jukumu la kulinda taifa''

''kama mwanamke si bikira iwe amegonjeka ama amejamiani hafai kuwa askari Hafai kuhudumu katika jeshi la Indonesia '' Jenerali Fuad alianukuliwa na vyombo vya habari.
Hata hivyo majibu yake yalitofautiana na ya mke mmoja wa mwanajeshi ambaye mwenyewe ni askari aliyesema kuwa walipewa sababu tofauti ya kipimo hicho.
''Wajua jeshi la Indonesia linataka wanajeshi wenye siha nzuri kwa hivyo wanalazimika kutumia mbinu kama hizo kupunguza gharama za matibabu ''
''Wanajeshi wetu wanasafiri kila baada ya muda na hivyo wanastahili kuamini kuwa wanawake wao na hata waume pia ni waaminifu''

Read More

Daktari wanaswa wakisinzia kazini

Je umewahi kushudia daktari akisinzia Hospitalini huku wagonjwa wakimsubiri ?
Katika mataifa mengi ya Afrika na Marekani Kusini ,kuna uhaba mkubwa wa madaktari jambo linalowalazimu madaktari na wauguzi wachache walioko kufanya kazi ya ziada ilikuwatuza wagonjwa.
Si ajabu kumsikia daktari anayehudumu katika hospitali ya umma ndiye yuleyule anayekimbia kumhudumia mgonjwa katika hospital ya kibinafsi iliapate pesa za ziada.
Je ni Uroho ama Uhaba wa madakari ?
Je mtizamo wako ni upi kinawapelekea madaktari hao kufanya kazi hata zaidi ya saa 8 zinazopendekezwa ?

Si Aghalabu visa vya madaktari kufanya makosa wakiwa katika vyumba vya upasuaji na hata mara nyengine katika vyumba vya wagonjwa mahututi kwa sababu ya uchovu.
Huko Mexico wagonjwa na jamaa zao wameanzisha kampeini ya kuwatetea wanafunzi wanaojifunza kazi.
Waliwapiga picha madaktari wakisinzia na kuzichapisha katika mitandao ya kijamii.
''inakuaje daktari ambaye anawajibu wa kuwatunza wagonjwa 12 anasinzia kazini''
''Hii ni kama rubani kusinzia ndege ikiwa angani ''anasema mwandishi wa blogu aliyechapisha picha hizo.

Watu waliochangia mjadala huo walidai kuwa madaktari wakuu wamekwenda kulala na kuwaachia wanafunzi wao kazi chungu nzima.
Baada ya mjadala huo katika vyombo vya habari ilibainika kuwa madaktari hao hufanya kazi wakati mwengine hata zaidi ya saa 36 bila mapumziko.
Wengi waliwashtumu madaktari waliohitimu wakisema kuwa wanawatelekeza wagonjwa wao kufuatia kuimarika maradufu kwa mishahara yao.

Read More

Wanajeshi washika doria Bujumbura

Jeshi nchini Burundi linapiga doria kwenye mitaa ya mji mkuu Bujumbura ambapo waandamanaji wameahidi kufanya maandamano ya kupinga uamuzi wa rais wa kuwania muhula wa tatu.
Wanajeshi wana matumaini ya kuwakamata wanajeshi waasi ambao waliongoza mapinduzi ya wiki hii katika jaribio la kumpindua rais Pierre Nkurunziza.
Nkurunziza ametaka kusitishwa kwa maandamano hayo na kuyahuzisha na jaribio hilo la mapinduzi.
Lakini baadhi ya makundi ya waandamanaji yamekana madai hayo na kumtaka tena rais kuiheshimu katiba.
Marekani nayo inasema kuwa Nkurunziza hastahili kuwania muhula mwingine ikiongeza kuwa serikali yake itawajibika kwa chochote kile kitakachotokea.

Read More

Rais Mutharika amlilia mwandishi wa BBC

Rais Peter Mutharika wa Malawi ametoa salaam za rambirambi kufuatia kifo cha mwandishi wa habari wa BBC nchini humo Raphael Tenthani, ambaye amekufa katika ajali ya gari.
Bwana Mutharika amesema, Tenthani atakumbukwa kama mtu mwenye kipaji cha hali ya juu, mcheshi na mchangamfu.
Raphael Tenthani ambaye alikuwa na umri wa miaka 43 alifahamika nchini kote Malawi na amekuwa akiripotia Idhaa ya Kiingereza ya BBC kwa zaidi ya miaka kumi. Pia alifanya kazi na shirika la habari la Marekani la Associated Press. Mwaka 2010 alishinda tuzo ya Umoja wa Mataifa ya Vyombo vya Habari kwa kazi yake kuhusu Malengo ya Maendeleo ya Milenia.

Read More

Mashua za wahamiaji kuharibiwa

Mawaziri wa nchi za muungano wa Ulaya wanakutana leo kuidhinisha mipango ya kuharibu mashua zinazotumiwa kusafirisha wahamiaji kwenda Ulaya kutoka nchini Libya.
Mara mipango hiyo itakapothibitishwa ujumbe wa muungano wa Ulaya utakusanya habari kuhusu shughuli za walanguzi wa binadamu na kulenga mashua zao baharini.
Viongozi wa Ulaya wanalenga kuchukua hatua kama hizo za kijeshi eneo la bahari la Libya na pwani ya Libya.
Karibu wahamiaji 6000 wanakadiriwa kuvuka bahari kutoka Afrika kaskazini na kuingia Ulaya mwaka huu.

Read More

Wavuvi waagizwa kutowasaidia wahamiaji

Wavuvi kutoka Indonesia wamesema kuwa wameamriwa na Serikali kuwa wasiwalete wahamiaji wanaopatikana wakielea kwenye vyombo baharini wasiokuwa na chakula au maji ya kutosha.
Maelfu ya wahamiaji wanadhaniwa kuwa wanaelea Baharini katika maeneo karibu na Indonesia, Thailand na Malaysia.

Licha ya wito wa Umoja wa Mataifa kuwa wahamiaji waruhusiwe kufika ufuoni, mataifa hayo matatu yamefukuza boti zilizojaa wahamiaji.
Ni wale watu wanaojitahidi kufika nchi kavu pekee wanaoruhusiwa katika nchi hizo.

Wahamiaji wengi ni Waislamu wa jamii ya Rohingya wanaotoroka mateso nchini Mynamar.
Watu wengi wanataka taifa la Myanmar kuchukua wajibu mkubwa zaidi kuhusiana na wahamiaji hao lakini taifa hilo limekataa likidai kuwa halipaswi kulaumiwa kwa hali hiyo.

Read More

Saa za Apple zakosolewa

  
Kampuni ya Apple imekiri kwamba 'tattoo' za kifundo cha mkononi zinaweza kuathiri uangalizi wa moyo wa binaadamu katika saa za kampuni hiyo ,siku chache tu baada ya malalamishi kutoka kwa watu walio na 'tatoo' kwamba saa hizo aina ya Smartwatch haziweza kusema iwapo wako hai ama la.
Tatizo hilo limezuka kwa sababu saa hiyo hutumia miale ya rangi ya kijani inayong'ara ndani ya ngozi ili kubaini kiwango cha moyo unavyopiga.
Lakini kwa watu walio na 'tattoo' katika kifundo cha mkono ,wino unaotumika huzuia mwangaza huo wa kijani kibichi na hivyobasi kutoa matokeo mabaya.

Kampuni ya Apple hatahivyo haijatoa tamko lolote kuhusu habari hiyo lakini imearifu ukurasa wa usaidizi wa saa hiyo kubaini tatizo hilo.
Huku kampuni hiyo ikiwa imeliangazia swala la kiwango cha moyo wa binadaamu unavyopiga,na kusahau kwamba wateja wake wamekuwa wakilalamika kuhusu sensa ya ngozi katika saa hiyo,ambayo inachukua habari za iwapo saa hiyo imevuliwa na inawabidi watumiaji kuweka neno la siri.

Read More

Mzee amchoma mkewe wa miaka 16 Kenya

Mzee mmoja mwenye umri wa miaka 70 aliyemchoma mkewe mwenye umri wa miaka 16 mjini Mandera kazkazini mashariki mwa Kenya amekamatwa.
Mke huyo aliyelazimishwa kuingia katika ndoa mwaka 2014 amelazwa katika hospitali kuu ya Mandera akiwa na majeraha mabaya ya kifuani pamoja na mikononi, kiongozi mmoja wa wanawake Ubah Gedi amethibitisha.
Mwanamke huyo sasa tayari amesafirishwa hadi jijini Nairobi kwa matibabu zaidi.
Ufichuaji huo uliofanywa kuhusu shambulizi hilo ni wa kushangaza kwa kuwa maswala mengi ya kijinsia Kazkazini mwa Kenya yameendelea bila kuripotiwa.

Read More

Mahakama yaruhusu Nkurunziza kuwania urais

Mahakama ya kikatiba nchini Burundi imemruhusu rais Pierre Nkurunziza kuwania muhula wa tatu.
Kulingana na vituo vya redio nchini humo,Jaji wa mahakama hiyo alitoa uamuzi huo mapema leo asubuhi .
Hapo Jana makamu wa mahakama hiyo Jaji Sylvere Nimpagaritse ,alilitoroka taifa hilo akidai kuwa walikuwa wakishinikizwa kutoa uamuzi utakaompendelea rais Nkurunziza.
Rwanda imethibitisha kuwa jaji huyo yuko mjini Kigali.

Read More

Wafghan 4 kunyongwa kwa mauaji

Jaji wa Mahakama ya Afghan amewahukumu wanaume wanne adhabu ya kifo kwa kumuua kwa kumshambulia mwanamke mmoja mjini Kabul.
Mwanamke huyo anayeitwa Farkhunda alipigwa hadi kufa na kundi la watu wenye hasira baada ya kutuhumiwa kimakosa kuchoma kitabu cha Koran.
Mwili wake ulichomwa mwoto. Watu wengine 49 wanaendelea na kesi, wakiwemo polisi 19 wanaotuhumiwa kwa kushindwa kuingilia kati kumwokoa mwanamke huyo.
Mauaji hayo yalisababisha hasira kutoka maeneo mbali mbali duniani ambayo pia yalisababisha maandamano nchini Afghanistan kupinga jinsi mwanamke huyo alivyotendewa.

Read More

Khan wa Bollywood kwenda jela miaka 5

Mwigizaji maarufu wa filamu za Bollywood nchini India Salman Khan amekuhumiwa kifungo cha miaka mitano jela baada ya kupatikana na hatia ya kumuua mtu mmoja asiye na makazi alipokuwa akiendesha gari huku akiwa amelewa mjini Mumbai.
Khan alikuwa ameshtakiwa kwa kuua bila kukusudia baada ya kuelekeza gari lake kwenye kundi la watu waliokuwa wamelala kwenye njia kando ya barabara mwaka 2002. Mmoja kati ya watu hao Noor Ullah Khan alikufa katika ajali hiyo.
Khan amedai kuwa dereva wake ndiye anayepaswa kulaumiwa lakini mashuhuda wanasema mwigizaji huo ndiye aliyekuwa kwenye usukani na alikimbia baada ya kutokea kwa ajali hiyo.
Kwa mujibu wa jaji wa mahakama hiyo mwigizaji huyo anaweza kukata rufaa dhidi ya hukumu hiyo.

Read More

Milipuko yatokea jeshini Sudan.

Kumetokea milipuko katika maeno ya jeshi nje ya mji mkuu wa Sudan, Khartoum.
Wakazi katika wa eneo la Omdurman la ukanda wa magharibi wa mto Nile wamesema mapema usiku wa manane walisikia mlipuko wa kwanza na baadae makombora ya kutungulia ndege kutoka upande wa majeshi ya serikali.
Msemaji wa serikali ya Sudan amethibitisha askari wake walifanya mashambulizi na kulenga kundi wasilolifahamu lakini akakanusha kikosi chake na vifaa vyao vya kijeshi kushambuliwa.
Miaka mitatu iliyopita Sudan iilituhumu Israeli kwa kufanya mashambulizi ya anga kwenye kiwanda cha silaha mjini Khartoum ambapo pia kuna taarifa kuwa ndege za Israel pia zilifanya mashambulizi kwenye misafara ya silaha zilizokuwa zikisafirishwa kwenda Gaza.
Israel haijatoa taarifa zozote rasmi kujibu shutuma hizo.

Read More

Akatazwa shule kwa kuvaa sketi ndefu

Msichana mmoja muislamu amekatazwa kuingia darasani huko shuleni kwao Ufaransa kwa sababu alikuwa amevalia sketi ndefu.
Msichana huyo mwenye umri wa 15 alifurushwa kutoka shuleni hapo na utawala wa shule hiyo uliodai amekiuka sheria za nchi hiyo zinazokataza kuonesha waziwazi ishara za kidini.
Kwa kawaida msichana huyo aitwae Sara, huvua hijabu yake anapokuwa maeneo ya shule kama inavyoamuriwa lakini hakudhani kwamba sketi yake ndefu pia ingemuweka matatani.
Ni mara ya pili Mkuu wa shule hiyo amemrudisha nyumbani mshichana huyo baada ya kumpa barua awapelekee wazazi wake inayoagiza kuwa abadilishiwe mavazi ndio aruhusiwe kuingia darasani. .
Inavyoelekea mgongano huu unatokana na tafsiri hiyo ya sheria ya 2004 inayozuia raia wa nchi hiyo kuonesha wazi wazi kuwa ni waumini wa dini fulani.
Msichana Sara anasema sketi yake si vazi la kidini, lakini utawala wa shule unatafrisi sketi hiyo yenye urefu wa hadi juu kidogo tu ya kisigino, kuwa vazi la kiislamu.

Read More

Mayweather Vs Pacquiao:Nani bingwa?

Japo tayari ni tajiri ,Mayweather ambae jina lake la utani ni Money, inatarajiwa atapokea zaidi ya dolla millioni $150m na Pacquiao kama millioni $100m.

Pacquiao yeye ametoka jamii ya kimaskini huko Ufilipino na kuna wakati katika maisha yake ya utotoni ambapo hata angelala njaa.
Sasa wa kuangalia kwenye TV kando, wengi wa mashabiki wa huko Marekani wangependa kuona makonde yakirushwa 'LIVE' kwa hivyo wamekubali kutoa ada ya hadi $100 kwa kichwa kushuhudia wakiwa 'LIVE' nje ya ulingo.
Wenye uchu wa kushuhudia pambano hilo 'LIVE' lakini hawajapata tiketi wako tayari kuzipata kwa walionanazo huku dau likiwa limepandishwa kwa kiwango atakacho muuzaji huyo mchuuzi.
Wafilipino kumshangilia Pacquiao
Wakati huo huo wito umetolewa kwa wakaazi wa kisiwa kimoja cha Philippines kwamba watumie kawi kwa kipimo kidogo ili kuihifadhi ndio waitumie kumwangalia katika runinga zao hapo Jumapili shujaa wao m-Filipino mwenzao , Manny Pacquiao (36) atakapokuwa akipambana na Mmarekani Floyd Mayweather (38) kwenye ulingo wa shindano la ndondi linalotajwa kuwa kubwa zaidi mnamo siku za hivi karibuni.
Wakaazi hao wameshauriwa na kampuni ya umeme nchini humo Palawan kuzima vifaa vya matumizi mengine ya nyumbani kama friji, kutotumia mashine za kufua nguo, wala kutopiga pasi ili kuhifadhi kawi hiyo siku hiyo itumike tu kuwashia Runinga zao.
Ushauri huo umetolewa kwani kisiwa hicho hukumbwa na upungufu wa umeme mara kwa mara, hivyo ni sharti wafuate maagizo hayo ili wasikose kushuhudia na kumshangilia kinara huyo wao ataeshiriki pambano hilo litakalo fanyika huko Las Vegas Jumamosi usiku saa za Marekani.
Ndilo pambano lililovutia fedha zaidi kuwahi kutokea.

Read More

Ugaidi:Shindano lasitishwa Ujerumani

Polisi wa Ujerumani wamefuta mashindano ya kimataifa ya kuendesha baiskeli yaliyotarajiwa kufanyika ijumaa katika mji wa Frankfurt, kwa hofu ya shambulio la kigaidi.
Mume na mke wamekamatwa baada ya kupatikana na silaha katika makaazi yao ikiwemo kemikeli ya kutengeneza mabomu.
Polisi wanashuku kwamba wawili hao walikua na mpango, wa kufanya mashambulizi wakati wa mashindano ya kuendesha baiskeli ambayo yamevutia wachezaji wengi duniani.
Mwanamume na mwanamke wa miaka 30 walikua wakifuatwa na majasusi kwa majuma mawili baada ya kutumia majina bandia wakati wakinunua kemikali inayoweza kutengeneza mabomu.
Polisi waliamua kuvamia makaazi yao baada ya mwanamume mmoja anayeaminika kuwa na uhisiano na makundi ya kisiilamu yenye misimamo mikali kuonekana nje ya nyumba yao mara kadhaa.
Polisi walipata mabomba ya kutega mabomu, silaha na kemikali.
Haijabainika iwap wawili hao walikua wakishirikiana na mtandao fulani.

Read More

Niqab yapigwa marufuku Congo Brazaville

Jamuhuri ya Congo- Brazaville imepiga marufuku vazi la Niqab katika maeneo ya umma.
Aidha mamlaka hiyo imewaonya raia wa kigeni ambao ni waislamu kusalia misikitini nyakati za usiku.
Serikali imetetea hatua yake na kusema inanuia kukabiliana na ugaidi.Maelfu ya wakimbizi wa Kiislamu kutoka nchi jirani ya jamhuri ya Afrika ya Kati wamekimbilia Congo- Brazzaville na wamekua wakipata hifadhi misikitini.
Nchi hiyo ina chini ya asilimia tano ya raia waumini wa kiisilamu.
Hii ndio nchi ya kwanza Afrika kuchukua hatua hii.

Read More